.gif)
.jpg)
نشر أحد السباب الخيرين على صفحته على موقع التواصل الإجتماعي " الفيس بوك " تفاصيل رُؤيا عجيبة رآها البارحة في تفاصيل غاية في الغرابة نالت الرؤيا عددا هائلا من التعليقات بعضها حاول تفسيرها و البعض أثارت فضوله .
الرؤيا استشرنا صاحبها في نشرها على الموقع فأذن طالبا منا حجب أسمه وهو ما ألتزمنا له به .
وهذا نص الرؤيا بعد حجب اسم صاحبها واسم زميله :
احلمت البارح أني أنا وصاحبي ( فلان ) انعدلو الرياضة في الليل فالمطار القديم إلين شفنه طائرة اسقيرة كادِي ظوها كتلو وهاي انكيسوه نعرف شنهي كالي أنو ماهو كايسها امعاي. امشيت شورها إلين أوصلت لها ذهوالي المرحوم #احمد_سالم_ول_سيدي لابس لباس الصنادره ويكمي امنيجه واكف كدام طائرة زينه وشخصين داخل الطائرة سولتو عنهم كالي هذا #كادير_و_انيانكَ كتلو انتوم امالكم اعدمكم #هيداله لكم ياسر من الزمن اخباركم أحياء(كالي نحن مزلنا ألي أحياء ) كتلو ياك سامحين #لهيداله كالي أصل سامحين لو هو سبب هذا النعيم لي نحن فيه ظرك كامل
كالِي أنت من أيْ الناس عرفتو براصي ورحب بي كالِي أنو ايحني ارواكيج ماشين امعاهم في الطائرة بعد اشوي جاء المرحوم #فياه_ول_المعيوف متواطِي لابس لباس الصنادره ونكزُو الأشخاص ألي كانو فالطائرة واستقبلوه كاملين بالتحية العسكرية وطلع الطائرة. عاكب ذاك بشوي وكَفت سيارة نكز منها المرحوم #اعلي لابس دراعة ورافد امعاه(هاتف الثريا) سلم اعليه احمد سالم وكالو احصرتنا وكالو هاتف الثريا مانك محتاجلو كل شي متوفر عندنا ماشاء الله كتلو أنا أني لاهِي نمشِي امعاكم كالي الطائرة ترفد ألي خمسة اشخاص.
كالي #أعلي ولَّي(ولدي) اركب ذيك السيارة وطرحلِي هذا الهاتف فالدار واعطانِي أسم شخص نعطيهلو إلين افتحت باب السيارة الأمامي لهي نركب اجبرت الرئيس #عزيز هو لي ايحرك وحذاه الجنرال#حنن_ول_حنن كالولِي أركب الوراء اركبت كتلهم هذا الهاتف كالي #أعلي نطرحو فدارو ماتكلمو امعاي امشاو بي إلين أوصلنا دار #اعلي نكزت كرَّيت باب الدار افتح عندي المرحوم #اعلي .
